Radikal müxalifət və QHT-lər elan ediblər, seçkiləri sabotaj etməyi planlaşdırırlar – bu barədə Gürcüstan Parlamentinin sədri Şalva Papuaşvili jurnalistlərə deyib.

O bildirib ki, seçkilərdə vəziyyət sakitdir, heç kim cinayət törətməyə cəsarət etmir.

“Gördük ki, radikal müxalifət və QHT-lər elan ediblər, seçkiləri sabotaj etməyi planlaşdırırlar. O cümlədən, “Milli Hərəkat”ın liderlərindən biri seçki məntəqələrinə basqın etməyə çağırış etməsi ittihamı ilə həbsxanadadır. İki saatdır seçkilər keçirilir, vəziyyət sakitdir, heç kimin cinayət törətməyə cəsarət etməməsi çox yaxşı haldır. Dünən baş nazir bu növ cinayətin nə qədər ağır olduğunu və bütün belə hallara cavab veriləcəyini açıq şəkildə dedi” – Papuaşvili bildirib.