Şalva Papuaşvili Parlamentlərarası İttifaqın 153-cü Assambleyasında iştirak edəcək

Gürcüstan parlamentinin sədri Şalva Papuaşvili Tanzaniyanın Aruşa şəhərinə yola düşüb və orada parlament nümayəndə heyəti ilə birlikdə Parlamentlərarası İttifaqın (IPU) 153-cü Assambleyasında iştirak edəcək.

Bu barədə Gürcüstan parlamenti məlumat yayıb.

Onların məlumatına görə, parlamentin sədri ümumi debatlarda çıxış edəcək və Parlamentlərarası İttifaqın prezidentinin seçkilərində iştirak edəcək.

“Vizit çərçivəsində parlamentin sədri ikitərəfli görüşlər də keçirəcək. Şalva Papuaşvilinin rəhbərlik etdiyi Gürcüstan parlament nümayəndə heyətinin tərkibində parlamentin Xarici Əlaqələr Komitəsinin sədri Nikoloz Samxaradze və Təhsil, Elm və Gənclərlə İş Komitəsinin sədri Mariam Laşxi yer alırlar”, – Gürcüstan parlamenti tərəfindən yayılan məlumatda deyilir.