Guya siyahıları çıxardıblar və ya indi çıxara bilmələri yalandır. Əslində heç bir çıxarma olmaz və parlamentin ilk iclasına qədər heç kim heç nəyi çıxara bilməz – bu haqda Gürcüstan Parlamentinin sədri Şalva Papuaşvili deyib.

Papuaşvili bildirib ki, birinci iclasdan sonra partiya yalnız parlamentə daxil ola bilməyənlərin siyahısını çıxara bilər.

“Partiya deputat olanların siyahısını çıxara bilməz. Deputat mandatına xitam verilməsini tələb edərsə, burada da qərarı parlament özü qəbul edir. Bu kinoya 2020-2021-ci illərdə baxmışıq. O vaxt dedilər ki, siyahıları çıxarmışıq, bu yalan idi, parlament toplaşdı və səlahiyyəti tanıdıq. Sonra dedilər ki, istəmirik, dayandırın. Sonda, hamı parlamentə daxil oldu. Başqaları daxil olsun deyə bizə yalvarırdılar ki, qanuna dəyişiklik edək. Birinci iclas MSK-nın xülasə protokolu təsdiq edildikdən sonra onuncu gündən gec olmayaraq keçirilir. Bu öhdəlikdir. Parlament xülasə protokol olduqdan sonra 10 gündən gec olmayaraq iclasa toplaşmaq öhdəliyi daşıyır. Birinci iclası Gürcüstan Prezidenti təyin edir və biz görürük ki, deyəsən, xanım Salome təyin etməyi planlaşdırmır. 10-cu gün parlament toplaşmaq məcburiyyətində qalacaq, ona görə də təyin etməsə belə yenə də toplaşacaq. Bir səsvermə keçirilir, 150 deputatın səlahiyyəti məlum olacaq və bununla parlament səlahiyyətli olacaq” – Papuaşvili bildirib.