Şalva Papuaşvili – Namizəd ölkələrin parlament sədrləri ilə səmərəli fikir mübadiləmiz oldu, sabah niyyətlərimizin əks olunacağı Belqrad Bəyannaməsini qəbul edəcəyik
Namizəd ölkələrin parlament sədrləri ilə çox səmərəli fikir mübadiləmiz oldu, Avropa İttifaqına inteqrasiya yolunda mövcud olan çağırışları dinlədik – bu haqda parlamentin sədri Şalva Papuaşvili bildirib.
O, forum çərçivəsində Belqrad Bəyannaməsini qəbul edəcəklərini bildirib.
“Dəyişkən hədəflər də daxil olmaqla, bir çox oxşarlıqlar üzə çıxdı. Bir hədəf qarşıya qoyulanda, sən bu hədəfə çatırsan, daha sonra o dəyişir, əlavə olunur. Həmçinin, ölkələrin daxili gündəmindən irəli gələn subyektiv yanaşmalar. Hamımız razılaşırıq ki, birlik, qarşılıqlı informasiya mübadiləsi və dəstək vacibdir. Üzvlük prosesində bir ölkənin qarşılaşdığı çağırışla, digər ölkə bu mərhələdə qarşılaşmaya bilər, lakin sonradan eyni vəziyyət yarana bilər. Ona görə də bu çağırışların öhdəsindən necə gəldiklərini bilmək bizim üçün önəmlidir. İnteqrasiyanın, xüsusən də qanunvericilik səviyyəsində düzgün planlaşdırılmasını nəzərdə tutan təcrübəmizi bölüşmək barədə razılığa gəldik. Sabah bu formatın necə işləyəcəyinə dair təşkilati məsələlər, texniki mövzular, informasiya mübadiləsi və s. haqqında danışacağıq. Niyyətlərimizin əks olunacağı Belqrad Bəyannaməsini qəbul edəcəyik” – Papuaşvili bildirib.