Gürcüstan Parlamentinin sədri Şalva Papuaşvili Macarıstanın Gürcüstandakı fövqəladə və səlahiyyətli səfiri Ana Maria Şiko ilə vida görüşü keçirib. Bu barədə Papuaşvili sosial şəbəkədə yazır.

Papuaşvili bildirib ki, Ana Maria Şiko ilə görüşdə səfirin “Gürcüstan və Macarıstan arasında dostluq münasibətlərini əhəmiyyətli dərəcədə gücləndirən” müstəsna uğurlu fəaliyyətini qeyd edib.

“Mən məhsuldar parlamentlərarası münasibətləri və ilin əvvəlində Gürcüstan Parlamenti ilə Macarıstanın Milli Assambleyası arasında imzalanmış əməkdaşlıq haqda çərçivə sazişi vurğuladım.

İki ölkə arasında əlaqələrin möhkəmlənməsinə görə səfirə təşəkkür etdim və ona gələcək fəaliyyətində uğurlar arzuladım” – Papuaşvili qeyd edib.