Dünyada böyük geosiyasi transformasiyanın getdiyi bir vaxtda bəzi beynəlxalq şəbəkələr iğtişaşları alovlandırmaqla və legitim hakimiyyəti devirməyə cəhd etməklə Gürcüstanın daxili işlərinə qarışmağa davam edir, “Makkeyn İnstitutu”nun nümayəndəsi Lora Torntonun məqaləsi bunun bariz nümunəsidir – bu haqda Gürcüstan Parlamentinin sədri Şalva Papuaşvili sosial şəbəkədə yazır.

“Onun “diktatura”, “repressiya” və “işgəncə” ilə bağlı dilinə doladığı boş ittihamlara bir dəqiqəliyinə məhəl qoymasaq, daha maraqlı mənzərə ortaya çıxır ki, bunun arxasında da Gürcüstanın əcnəbi düşmən-sevənləri və onların yerli davamçılarının koordinasiyalı şəbəkəsi görünəcək.

Birincisi, Tornton Gürcüstanın sabiq prezidenti Zurabişvilinin işlədiyi “Makkeyn İnstitutu”nu təmsil edir, onun vasitəsilə bu şəbəkə “özünü elan etmiş hakimiyyətin” alternativ reallığını yaratmaq istəyir;

İkincisi, o, seçkilərin nəticələrinə hücumuna haqq qazandırmaq üçün “Beynəlxalq Respublikaçılar İnstitutu”na (IRI) və “Ədalətli Seçkilər”ə (ISFED) “etibarlı nüfuza malik beynəlxalq və yerli müşahidəçilər” olaraq eyham vurur, lakin eyni zamanda seçkiləri müşahidə edən yeganə qanuni beynəlxalq təşkilat olan ATƏT/DTİHB-nin hesabatını gizlədir. Maraqlıdır ki, IRI-nin yerli ofisi ABŞ-nin indiki administrasiyasının xarici ölkələrin daxili işlərinə qarışmaqda ittiham etdiyi, bədnam “Milli Demokratiya Fondu” (NED) tərəfindən maliyyələşdirilir. 2020-ci ilin səslərin paralel hesablanması zamanı “ISFED” və onu maliyyələşdirən USAID-in saxtakarlıqlarının tarixi isə artıq hər kəsə məlumdur. Bu günlərdə Amerikanın maliyyəsinin tamamilə kəsilməsi bu təşkilatların nüfuzunun ləğv olmasının nəticəsidir;

Üçüncüsü, Torntonun təlimatını dərc edən “Civil.ge” QHT-media platforması NED və digər Amerika mənbələri tərəfindən maliyyələşdirilir və onun baş redaktoru isə ən radikal gürcü siyasətçilərindən birinin ailəsinin üzvüdür” – Papuaşvili qeyd edir.

O bildirib ki, Lora Tornton hakimiyyətin güc yolu ilə dəyişməsinə təhrik edir və Ukrayna “Maydanı”nın ruhuna eyham vurur.

“Makkeyn İnstitutu”nun Qlobal Demokratiya Proqramlarının direktoru və NDI-ın Gürcüstandakı ofisinin sabiq rəhbəri Lora Tornton məktubunda qeyd edib: “Zibilin yığılmaması, bank işçilərinin tətili, yük avtomobillərinin sürücülərinin evdə qalması iqtisadiyyatı iflic edəcəkdi və “Gürcü Arzusu”na təzyiqi xeyli gücləndirəcəkdi”.