Gürcüstan Parlamentinin sədri Şalva Papuaşvili Litvanın diplomatik və xidməti pasportlara malik Gürcüstan vətəndaşları üçün vizasız rejimi ləğv etmək haqda qərarına münasibət bildirir.

Şalva Papuaşvilinin sosial şəbəkədə yazdığı kimi, bu qərarlar “Avropa İttifaqı və Gürcüstan arasında vizaların verilməsi prosedurunun sadələşdirilməsi haqqında” 2010-cu ildə imzalanmış beynəlxalq müqavilənin kobud şəkildə pozulmasıdır və hüquqi əsası yoxdur.

“Bu qərarların “Avropa İttifaqı və Gürcüstan arasında vizaların verilməsi prosedurunun sadələşdirilməsi haqqında” 2010-cu ildə imzalanmış beynəlxalq müqavilənin kobud şəkildə və hüquqi əsası olmayan pozuntusu olduğunu bilməliyik. Avropa İttifaqı və onun üzvlərinin öz beynəlxalq hüquqi öhdəliklərinə və qaydalara əsaslanan beynəlxalq nizama hörmət etməsi vacibdir.

P.S. Onu da unutmamalıyıq ki, 2010-cu ilin bu müqaviləsi ilə vizasız gediş-gəliş yalnız Saakaşvilinin diktator rejiminin elitasına verildi, halbuki adi vətəndaşlar üçün daha 7 il vizasız rejim olmadı. Yalnız 2017-ci ildə, “Gürcü Arzusu” hakimiyyətinin səyi ilə vizasız gediş-gəliş adi vətəndaşlar üçün də açıldı” – Şalva Papuaşvili yazır.