Gürcü seçicini aldatmaq cəhdi var, sanki “Milli Hərəkat” brend olaraq artıq mövcud deyil və seçkilərdə təmsil olunmur, əslində isə eyni siyasi qüvvə müxtəlif adlar altında seçkilərdə təmsil olunur – bu barədə Gürcüstan Parlamentinin sədri Şalva Papuaşvili jurnalistlərə deyib.

Papuaşvili bildirib ki, bu, xalqın hələ əvvəlki seçkilərdə gördüyü dırnaqarası rebrendinq prosesinin davamıdır.

“Bu, tamamilə kənardan idarə olunan prosesdir və proseslər tam dediyimiz kimi gedir. Gürcü seçicini aldatmaq cəhdi var, sanki “Milli Hərəkat” brend olaraq artıq mövcud deyil və seçkilərdə təmsil olunmur, əslində isə eyni siyasi qüvvə müxtəlif adlar altında seçkilərdə təmsil olunur. Deməli, bu, kənardan planlaşdırılmış, təşkil edilmiş və həyata keçirilmiş cəhddir. Məhz bu iki partiya – “Lelo” və Qaxaria. Görürük ki, Qaxaria bu gün də xaricdədir və orada göstərişlər alır. Seçiciyə sanki “Milli Hərəkat”ın seçkilərdə təmsil olunmadığını göstərməyə çalışırlar, əslində xaricdən idarə olunan bir anti-gürcü siyasi qrupdur. İndi gördüyümüz bu cəhddir” – Şalva Papuaşvili bildirib.