Şalva Papuaşvili – İkinci Dünya Müharibəsi veteranlarını faşizm üzərində Qələbə Günü münasibətilə təbrik edirik, qəhrəmanlığınız tarix yazdı və gələcəyi xilas etdi, fədakarlığınıza görə təşəkkürlər

Gürcüstan parlamentinin sədri Şalva Papuaşvili İkinci Dünya Müharibəsi veteranlarını faşizm üzərində Qələbə Günü münasibətilə təbrik edib. Onun sözlərinə görə, 9 may gürcü xalqının yaddaşında adsız və məşhur qəhrəmanların tarixini qoruyub saxlayır.

“İkinci Dünya Müharibəsi veteranlarını faşizm üzərində Qələbə günü münasibətilə təbrik edirik! Mən sizinlə 9 Mayın sizdə yaratdığı duyğuları bölüşmək istəyirəm… yaddaşın saniyələr içində canlandığı zaman – kədər, ağrı və sevinc bir-birini əvəz edir. 9 May xalqımızın yaddaşında adsız və məşhur qəhrəmanların tarixini qoruyub saxlayır. Bu gün biz hamımız həmvətənlərimizi, daha yaxşı gələcək uğrunda mübarizədə canlarından keçmiş qəhrəmanlarımızı ehtiramla yad edirik. Mən İkinci Dünya Müharibəsinin bütün veteranlarına hörmət etmək istəyirəm. Sizin qəhrəmanlığınız tarix yaratdı, gələcəyi xilas etdi. Fədakarlığınız üçün təşəkkür edirik! Bu gün sizindir və qazandığınız qələbə bütün bəşəriyyət üçündür”, – Şalva Papuaşvili bildirib.