Sabiq prezident Salome Zurabişviliyə ABŞ-da Makkeyn İnstitutunda təqaüd təklif etdilər – bu haqda Gürcüstan Parlamentinin sədri Şalva Papuaşvili sosial şəbəkədə yazır.

Papuaşvili yazır ki, təxminən 12 il əvvəl Tafts Universitetində daha bir sabiq prezident Mixail Saakaşviliyə də oxşar jest edilmişdi.

“Hər ikisi təklifi məmnuniyyətlə qəbul etdi. Baxmayaraq ki, yalnız Gürcüstana sədaqət andı içmişdilər, Saakaşvili sonradan Ukrayna vətəndaşı oldu və Zurabişvili də ehtimal ki, vətəni Fransaya qayıdacaq.

Həmvətənlərimiz hər zaman dediyimiz şeyi indi artıq aydın başa düşürlər ki, onların heç biri Gürcüstanın xidmətində olmayıb və hər ikisi onları işə götürən təşkilatlara qayıdıb” – Şalva Papuaşvili yazır.