Helsinki Komissiyasının iclası Gürcüstanın yas tutduğu günlərdə oldu. Soruşsanız, gürcü millətinin pərəstişkarları olduğunu, gecə-gündüz Gürcüstan haqqında düşündüklərini deyən İulson və Helsinki Komissiyasının digər üzvlərindən bir söz belə eşidə bilmədik – bu haqda Gürcüstan Parlamentinin sədri Şalva Papuaşvili suala cavab olaraq deyib.

Papuaşviliyə sual verilib: “ABŞ dövlət katibi Marko Rubiodan fərqli olaraq, avropalı liderlər gürcü xalqına başsağlığı verməyiblər, səfirlik səviyyəsində bəyanatlar verilib, bütün bunları necə izah edirsiniz?”

“Bu, bir daha göstərir ki, bəzi xarici siyasətçilərdən şahidi olduqlarımız gülüncdür. Bu, Gürcüstan və ya gürcü xalqına münasibətdə nəsə emosional yanaşma ilə əlaqəsi olmayan adi satın alınmış lobbiçilikdir. Ola bilsin Gürcüstanda baş verənləri heç başa da düşməyiblər və ya başa düşüblər və hətta dərk etməyiblər. Avropada da müxtəlif hesabatların təqdimatına və sair şahid olduq. Bu kədər anında yenidən gürcü xalqına qarşı hücum oldu. Bu, bu gün Avropa sivilizasiyasını sürüklədikləri və haqqında danışdığımız sivilizasiya uçurumudur, siyasi gündəm insani dəyərlərdən daha yüksəkdə dayanır. Həm matəm günlərində, həm də dəfn günü Üçlük məbədində olan və bu itki ilə əlaqədar kədərini ifadə edən səfirlərə təşəkkür etmək istərdim.

Digər tərəfdən, Gürcüstanda bir şey baş verəndə qəfildən ortaya çıxıb şərh verən heç bir Avropa liderini görə bilmədik. Belə kədər anında onlar sözləri, vaxtı və ya daha doğrusu emosiyanı tapa bilmədilər, çünki onlar bu hissi başa düşmürlər. Kilsə, Patriarx və Gürcüstanın dayandığı əsl dəyərlərlə bağlı emosiyalarımız bu siyasi liderlərin özlərini əsaslandırdıqları yalançı dəyərlərdən fərqlənir. Beləliklə, gürcü xalqı üçün bu da böyük dərs idi” – Papuaşvili bildirib.