Şalva Papuaşvili – “Gürcüstan Naminə”nin üzvləri özlərinə zərər verirlər, yoxsa partiyaya və Qaxariaya onsuz da zərər dəyib, onlara heç bir əlac yoxdur

“Gürcüstan Naminə” partiyasının üzvləri bu mövzu ilə özlərini gündəmə gətirirlər – ya mazoxistdirlər və barələrində danışılmasından zövq alırlar, ya da sadəcə Qaxaria onlardan istifadə edir — parlamentin sədri Şalva Papuaşvili bildirib.

Onun sözlərinə əsasən, partiyaya və Qaxariaya onsuz da zərər dəyib, onlara heç bir əlac yoxdur.

“Dəfələrlə deyilib ki, boğulub ölənin evində kəndirdən danışmazlar. Parlamentdə olan o insanlar bir düşünsünlər – Qaxaria onlara lağ edir. Bu şəxs məhz nümayişin dağıdılması zamanı güc tətbiqində həddi aşmaqda ittiham olunur. Həmin vaxt prosesin düzgün idarə olunmadığına və nəticədə insanların xəsarət aldığına dair Strasburq Məhkəməsinin qərarı var. Bu insanlar bu mövzu ilə özlərini gündəmə gətirirlər – ya mazoxistdirlər və barələrində danışılmasından zövq alırlar, ya da sadəcə Qaxaria onlardan istifadə edir və bu mövzuları ortaya atmaqla birbaşa onlara lağ edir. Təəssüf ki, parlamentdə olan bu insanlar özlərinə zərər verirlər, yoxsa partiyaya və Qaxariaya onsuz da zərər dəyib, onlara heç bir əlac yoxdur” — Papuaşvili bildirib.