Bu günlərdə, bu faciə qarşısında türk xalqının yanındayıq – bu haqda parlamentin sədri Şalva Papuaşvili deyib.

O, dünən Türkiyə Parlamentinin sədrinə ictimai şəkildə başsağlığı verdiyini bildirib.

“Gürcüstan ərazisində qəzaya uğrayan Türkiyə hərbi təyyarəsi ilə əlaqədar başsağlığı vermək istəyirəm. Dünən Türkiyə Parlamentinin sədrinə ictimai şəkildə başsağlığı verdim və bu kədəri bölüşürük. Bu günlərdə, bu faciə qarşısında türk xalqının yanındayıq” – Şalva Papuaşvili bildirib.

Məlumat üçün bildirək ki, noyabrın 11-də Siğnaği Munisipalitetində Gürcüstanın dövlət sərhədindən təxminən 5 kilometrdə türk hərbi təyyarəsi qəzaya uğrayıb. Təyyarə Azərbaycan-Türkiyə istiqamətində reys yerinə yetirirdi.

Faktla əlaqədar istintaq Cinayət Məcəlləsinin 275-ci maddəsinin 4-cü hissəsi ilə aparılır, bu isə insan ölümü ilə nəticələnən hava nəqliyyatının hərəkət təhlükəsizliyi və ya istismarı qaydasının pozulması deməkdir.

Türkiyə Müdafiə Nazirliyində qəzaya uğrayan türk təyyarəsinin göyərtəsində 20 hərbçinin olduğunu bildirirlər.