Komissar Kosun heç olmasa bir ay sonra 25 polisin yaralanması ilə nəticələnən prezident sarayına basqını pisləməsi gürcü xalqının yeganə gözləntisidir – bu haqda Gürcüstan Parlamentinin sədri Şalva Papuaşvili jurnalistlərə deyib.

Papuaşvili, 4 oktyabrın təşkilində o cümlədən Avropa İttifaqı, Brüssel tərəfindən maliyyələşdirilən təşkilatların iştirak etdiyini bildirib.

“Gürcüstanda baş tutmamış çevrilişin baş verməsindən və xaricdən dəstəklənən insanların prezident sarayına basqın etməsindən bir ay keçir. Komissar Kos və komissar Kalas da daxil olmaqla, Avropa komissarlarının prezident sarayına basqını pisləməkdən imtina etməsindən bir ay keçir. Bu səbəbdən komissar Kosun heç olmasa bir ay sonra 2-si ağır olmaqla 25 polisin yaralanması ilə nəticələnən prezident sarayına basqını pisləməsi mənim və gürcü xalqının yeganə gözləntisidir. Bu günə qədər nə Avropa İttifaqının səfiri bu polislərin taleyi və sağlamlığı ilə maraqlanıb, nə də Avropa İttifaqının səfiri və onun rəhbərləri, komissar Kos və komissar Kalas prezident sarayına hücumu pisləyiblər.

Bu səbəbdən gürcü xalqının gözləntisidir ki, ümumiyyətlə Gürcüstan haqqında nəsə deməzdən əvvəl etməli olduqları ilk şey prezident sarayına zorakılıqla edilmiş basqını pisləsinlər və onunla aralarına məsafə qoysunlar, çünki 4 oktyabrın təşkilində o cümlədən Avropa İttifaqı, Brüssel tərəfindən maliyyələşdirilən təşkilatlar, o cümlədən media təşkilatları iştirak edirdilər. Həmçinin, xatırladaq ki, oktyabrın 4-də prezident sarayına basqınla paralel olaraq Brüsselin müxtəlif nümayəndələri sosial şəbəkədə bu zorakılığı təşviq edir və dəstəkləyirdilər. Xanım İukneviçienenin, digər avropalı parlamentarinin, eləcə də Avropanın müxtəlif paytaxtlarından gələn bəyanatları xatırladıram. Gürcüstan burada iğtişaşlardan son anda xilas oldu və təhlükəsizlik sistemimizin, Daxili İşlər Nazirliyinin və digərlərinin bütün bunlara vaxtında reaksiyası olmasaydı, bütün bunların nəticəsinin nə olacağını heç kim bilmir. Bu səbəbdən, onların deməli olduqları ilk şey hücumu pisləmək və onunla aralarına məsafə qoymaq olmalıdır” – Şalva Papuaşvili qeyd edib.