“Gürcü Arzusu” ardıcıl dördüncü dəfə seçicinin etimadını qazandıq, heç kimin onu aldatmasına icazə verməyən, əsas qayğısı Gürcüstan və onun hər bir vətəndaşı olan komandanı dəstəkləyən gürcü xalqına təşəkkürlər – bu haqda parlament sədrliyinə namizəd Şalva Papuaşvili 11-ci çağırış parlamentinin ilk iclasında çıxışı zamanı bildirib.

Papuaşvilinin qeyd etdiyi kimi, gürcü xalqı gələcək dörd il ərzində ölkəni idarə etmək cilovunu kimə həvalə edəcəyi ilə bağlı parlament seçkilərində öz azad, birbaşa və qəti iradəsini ifadə etdi.

“Əziz həmkarlar sizləri salamlayıram, əziz qonaqlar sizləri salamlayıram, mən ölkə daxilində və onun hüdudlarından kənarda olan həmvətənlərimizi salamlayıram, Abxaziya və Sxinvali bölgəsindəki həmvətənlərimizi salamlayıram. Üç il əvvəl parlamentin sədri seçilərkən dediyim sözləri təkrar edirəm: bu parlament Abxaziyadan və Sxinvali bölgəsindən seçilmiş nümayəndələr bu salonda bizimlə birlikdə əyləşəndə tam olacaq. Bir ay əvvəl Gürcüstanda parlament seçkiləri keçirildi, bu seçkilərdə gürcü xalqı gələcək dörd il ərzində ölkəni idarə etmək cilovunu kimə həvalə edəcəyi ilə bağlı öz azad, birbaşa və qəti iradəsini ifadə etdi. Biz, “Gürcü Arzusu” ardıcıl dördüncü dəfə seçicinin etimadını qazandıq və 11-ci çağırış parlamentində tam səs çoxluğu əldə etdik. Növbəti dəfə vəziyyəti müdrikcəsinə görən, heç kimin onu aldatmasına icazə verməyən, əsas qayğısı Gürcüstan və onun hər bir vətəndaşı olan komandanı dəstəkləyən gürcü xalqına təşəkkür etmək istəyirəm” – Şalva Papuaşvili bildirib.