Donald Tuskun parlamentdə etimad elan edilərkən bir neçə səs artıq alması naminə, gürcülərdən və gürcü məsələsindən siyasi məqsədlər üçün istifadə edilməsi çox təəssüf doğurur – bu barədə Gürcüstan Parlamentinin sədri Şalva Papuaşvili deyib.

Papuaşvili bildirib ki, bu, bir daha gürcü xalqına qarşı vicdansız münasibəti göstərir.

“Başqa xalqdan siyasi alət kimi istifadə etmək cəhdinin olması narahatlıq doğurur. Bilirik ki, dünən baş nazir Tuskun Polşa Parlamentində etimad elan edilməsi ilə bağlı səsverməsi var idi və bir neçə səs artıq zəmanətinin olması üçün gürcü xalqı və gürcü mövzusu, məsələsi siyasi məqsədlə istifadə edildi, müəyyən bir konservativ xəttə meyllənmə cəhdi oldu. Bu, öz siyasi maraqları üçün gürcü xalqını necə asanlıqla qurban verdiklərini bir daha göstərir. Guya gürcülərin Polşada nəsə səhv etdikləri və ya çox olmaları və s. barədə söhbət ciddi deyil. Statistikaya baxa bilərsiniz, o cümlədən Polşadakı xarici miqrantların davranışlarına əsasən və sizi əmin edirəm ki, görəcəksiniz, o cümlədən sayca və müxtəlif pozuntulara görə statistik olaraq daha çox olan Polşaya qonşu olan ölkəni. Ona görə də parlamentdə etimad elan edilən zaman bir neçə səs artıq almaq naminə, gürcülərdən və gürcü məsələsindən bu cür siyasi məqsədlər üçün istifadə edilməsi çox təəssüf doğurur. Bu, bir daha gürcü xalqına qarşı vicdansız münasibəti göstərir.

Xatırladaq ki, Polşanın hazırkı hökuməti, hazırkı baş naziri, hazırkı xarici işlər naziri Mixeil Saakaşvilinin lobbiçiləridir. Avropa Xalq Partiyasının qurultaylarını yadınıza salıram, orada Donald Tuskun özü, Xalq Partiyasının rəhbəri kimi, Mixeil Saakaşvilinin həbsdən məktubunu bizə oxudu, cinayətkar, işgəncə sisteminin yaradıcısı olan insanın məktubunu bizə oxudu və ayrıca onun üçün ayrılmış boş stul yadınızdadır, onu Donald Tusk ona ayırmışdı. Bu gün də işgəncə, reket sisteminin qurucusu Saakaşvilini modernizator və nümunəvi demokrat adlandıran xarici işlər naziri Sikorskinin bəyanatları yadımızdadır” – Şalva Papuaşvili bildirib.

Polşanın Baş naziri Donald Tusk Seymdə hökumətə etimad elan edilməsi məsələsinin müzakirəsi zamanı qeyd edib ki, bir sıra ölkələr, o cümlədən Gürcüstan üçün vizasız gediş-gəlişin dayandırılmasını nəzərdən keçirir.