Dünən öyrəndik ki, hakimiyyətin devrilməsi cəhdindən bir neçə gün əvvəl, Avropa İttifaqının səfiri ötənilki seçkilərdən sonra zorakılığın təşkilatçılarından biri olan Zviad Tsetsxladzeyə həbsxanada dəstək məktubu yazıb – bu haqda Gürcüstan Parlamentinin sədri Şalva Papuaşvili sosial şəbəkədə yazır.

Papuaşvilinin yazdığı kimi, “Brüssel tərəfindən seçilmiş anti-gürcü yolunun terrorçuları dəstəkləməyə qədər gedib çıxacağı, çoxdan aşkar idi və biz bu reallıqla üzləşməliyik”.

“İctimailəşən və cinayət işinin bir hissəsi olan aşağıdakı videoda yaxşı görünür ki, Avropa İttifaqının səfirinin yazışmaları olduğu Tsetsxladze soyuqqanlı şəkildə küçə müharibəsini planlaşdırır – “Maydanı yada salaq”, “Qalxanları hazırlayaq”, “Barrikadalar quraq”, “Tikanlı məftillər çəkək”, “Mismarlar tökək”, “Pirotexnika alın”. Əvvəlki paylaşımımda
divarlar yerinə körpülər tikməli olan diplomatların missiyası haqqında yazmışdım. Ortaya çıxdı ki, bəziləri hər ikisinə qadirdir, sadəcə olaraq, gürcü xalqı üçün divar, terrorçular və zorakılıq edənlər üçün körpü tikirlər. Brüssel tərəfindən seçilmiş anti-gürcü yolunun terrorçuları dəstəkləməyə qədər gedib çıxacağı, çoxdan aşkar idi. Biz də bu reallıqla üzləşməliyik” – Şalva Papuaşvili yazır.