Artıq dörd gündür ki, Vaşinqton Arbitrajı Paris Arbitrajı və Gürcüstan ədliyyəsinin daha əvvəl dediyini təsdiqlədi: Xazaradze və Caparidze saxta iddialarla xalqın cibindən 1,5 milyard dollar (Gürcüstan büdcəsinin 15%-i) çıxarmağa çalışıblar – bu barədə Gürcüstan parlamentinin sədri Şalva Papuaşvili sosial şəbəkədə yazıb.

Papuaşvilinin sözlərinə görə, “bundan əvvəl də məhkəmə yolu ilə təsdiq olunub ki, Xazaradze və Caparidze əmanətçilərin onların bankına etibar etdiyi 17 milyon dolları dələduzluq yolu ilə yoxa çıxarıblar”.

“Bu gün Xazaradze-Caparidzenin maliyyə və siyasi dələduzluğu tam şəkildə ifşa olunub və həm daxili, həm də beynəlxalq səviyyədə təsdiqlənib. Təsdiqləndi ki, hakimiyyət bütün mərhələlərdə vicdanla hərəkət edib, Xazaradzenin guya zərərçəkmiş maskası altında ‘Lelo’ partiyasını qurması isə onun dələduzluq planının bir hissəsi olub. Maraqlıdır ki, artıq dörd gündür ALDE-dən (Avropa üçün Liberal və Demokratlar Alyansı) heç bir səs-soraq çıxmır, halbuki başqa vaxtlarda Xazaradze məsələlərinə dərhal reaksiya verirdilər. Halbuki sual sadədir: ALDE-nin mənəvi meyarlarına (hansı ki, bu meyarlar onsuz da ALDE-də pozulub) dələduzluğa görə məhkum olunmuş və saxta iddiaları ilə ölkənin büdcəsinin 15%-ni mənimsəməyə çalışan şəxslərin sıralarında olması nə dərəcədə uyğundur? Üstəlik, həmin saxta iddialar beynəlxalq məhkəmələr tərəfindən də ifşa olunub. Ayrı bir məsələ isə bu partiyanın “top-tvin” üzvləri və tərəfdarlarıdır – ya onların “top-tvinliyi” kifayət etmir ki, belə primitiv dələduzluq sxeminin iştirakçısı olduqlarını başa düşsünlər, ya da anlayırlar, lakin “böyük kombinator” nümunəsində olduğu kimi, böyük dələduzluğa can atırlar. Fakt budur: “Lelo” dələduzlar partiyasıdır, “dələduzlar partiyasının” üzvü olmaq və onu dəstəkləmək isə dələduzluqda iştirak deməkdir”, – Papuaşvili yazır.

Məlumat üçün bildirək ki, Gürcüstanın Ədliyyə Nazirliyi Mamuka Xazaradze və Badri Caparidzenin Anakliya limanı işi ilə bağlı Vaşinqton Arbitrajında da məğlub olduqları barədə məlumat yayıb. Onların bildirdiyinə görə, mübahisə çərçivəsində Xazaradze və Caparidzenin hollandiyalı tərəfdaşı Bob Meyer 64 milyon ABŞ dolları tələb edib, lakin arbitraj onun bütün tələblərini rədd edib və əksinə, ona Gürcüstan hökumətinin xeyrinə 6,5 milyon ABŞ dolları ödəməyi öhdəsinə qoyub.