Brüssel tərəfindən görülən Avropa ilə həqiqi Avropa arasındakı fərqi görürük – bu barədə Gürcüstan Parlamentinin sədri Şalva Papuaşvili jurnalistlərə deyib.

Papuaşvili bildirib ki, təəssüf ki, Brüsselin yaratdığı münaqişə məhz buradadır – Saakaşvilinin, radikallığın və onun yanaşmalarının Avropa olduğunu bəyan etməsində.

“Səhiyyə istiqamətləri, sosial istiqamətlər – bütün bu məsələlər bizim anlayışımıza görə, həqiqi Avropa adlanan şeydir. Bunun əksinə olaraq, özünüidarəetmə seçkilərinin sabotajına necə çalışdıqlarını görürük, o cümlədən Brüsseldən maliyyələşdirilən insanlar. Bu gördüyümüz təəssüf doğuran problemdir. Brüssel bizə dövründə bütün nəslin silindiyi Saakaşvilinin Avropa olduğunu deyir və biz deyirik ki, həqiqi Avropa valideyn nəslinə hörmətdir, ləyaqətli qocalığın təmin edilməsi və zəhmətini vətənə həsr etmiş insanların layiqincə qiymətləndirilməsidir. Brüssel bizə deyir ki, Saakaşvili Avropadır – o Saakaşvili ki, onun dövründə səhiyyə pullu idi, insanlar adi tibbi xidmət görmək üçün banklardan kredit götürməli olurdular. Biz Brüsselə deyirik ki, həqiqi Avropa pulsuz səhiyyədir. Hər il demək olar ki, yarım milyon insanın faydalandığı və səhiyyə xidmətinin təmin edilməsi ilə birlikdə, əhalinin səhhətinə, bundan başqa, o cümlədən ömür uzunluğuna müvafiq təsir göstərən Tbilisinin öz vətəndaşları üçün əlavə proqramlarıdır.

Brüssel bizə dövründə uşaq bağçalarının pullu olduğu Saakaşvilinin Avropa olduğunu deyir. Biz Brüsselə deyirik ki, həqiqi Avropa insanların azyaşlı uşaqlarını müvafiq standartda olan uşaq bağçalarına apara bildiyi və özlərinin işinin olduğu pulsuz uşaq bağçalarıdır. Bizim gördüyümüz budur, Brüssel tərəfindən görülən Avropa ilə həqiqi Avropa arasındakı fərq. Təəssüf ki, Brüsselin yaratdığı münaqişə məhz buradadır – Saakaşvilinin, radikallığın və onun yanaşmalarının Avropa olduğunu bəyan etməsində” – Şalva Papuaşvili bildirib.