Gürcüstan parlamentinin sədri Şalva Papuaşvili Birləşmiş Ərəb Əmirliklərinin Federal Milli Şurasının sədri Səqr Qobaşla görüşüb.

Görüşdə Gürcüstan və Birləşmiş Ərəb Əmirlikləri arasında əməkdaşlığın dinamik şəkildə inkişaf etdiyi və yüksək səviyyəli səfərlərin həyata keçirildiyi qeyd olunub.

Gürcüstan Parlamentinin mətbuat xidmətinin məlumatına görə, ötən ilin sentyabrında Birləşmiş Ərəb Əmirliklərinin prezidenti Şeyx Məhəmməd bin Zayed Al Nəhyanın Gürcüstana etdiyi səfərin əhəmiyyəti vurğulanıb. Həmçinin İranda davam edən müharibə və regional təhlükəsizlik məsələləri, sülh və sabitliyin regional inkişaf və iqtisadi tərəqqi üçün önəmi müzakirə olunub. İki ölkə arasında iqtisadi və investisiya layihələrinin həyata keçirilməsində etibarlılığın əhəmiyyətinə diqqət çəkilib.

“Tərəflər ikitərəfli əməkdaşlığın müxtəlif məsələlərini müzakirə ediblər, o cümlədən parlamentlərarası əlaqələrin gücləndirilməsi barədə danışıblar. Görüş Türkiyənin İstanbul şəhərində keçirilən Parlamentlərarası İttifaqın (IPU) 152-ci Baş Assambleyası çərçivəsində baş tutub”, – deyə Gürcüstan Parlamentinin mətbuat xidmətinin məlumatında bildirilir.

Parlament sədrinin rəhbərlik etdiyi nümayəndə heyətinə Xarici Əlaqələr Komitəsinin sədri Nikoloz Samxaradze və Ətraf Mühitin Mühafizəsi və Təbii Sərvətlər Komitəsinin sədri Maya Bitadze daxildir.