Gürcüstan Parlamentinin sədri Şalva Papuaşvili bildirir ki, parlament dekabrın 13-də payız sessiyasını bağlayacaq, dekabrın 14-də isə Seçicilər Kollegiyası Gürcüstan Prezidentini seçəcək. Bu haqda Papuaşvili büronun bugünkü iclasında deyib.

Papuaşvili MSK-nın seçkiləri parlament binasında keçirəcəyini deyib.

“Cari həftə sonuncu sessiya həftəmizdir, payız sessiyası cümə günü bağlanacaq. Həmçinin, şənbə günü, dekabrın 14-də Seçicilər Kollegiyası tərəfindən prezident seçiləcək. Bildiyiniz kimi, Seçicilər Kollegiyası artıq komplektləşdirilib. MSK seçkiləri parlament binasında keçirəcək. Təşkilati baxımdan hər şeyin təmin olunması üçün MSK ilə müvafiq ünsiyyətimiz var. Bilirsiniz ki, parlamentin bütün üzvləri kollegiyanın tərkibindədir və bizim onlarla seçkilərlə əlaqədar müvafiq ünsiyyətimiz olacaq, onları bütün təşkilati detallarla tanış edəcəyik. Parlamentin işinə gəlincə, dediyim kimi, cari həftə sonuncu sessiya həftəmiz olacaq. Sürətli şəkildə müzakirə etməli olduğumuz yeni təşəbbüslər var” – Şalva Papuaşvili bildirib.