2024-cü ilin Azadlıq İndeksi bir daha Gürcüstanın bir çox istiqamətlərdə nailiyyətlərini qeyd edir. – Bu barədə sosial şəbəkədə Gürcüstan parlamentinin sədri Şalva Papuaşvili yazır.

Papuaşvilinin sözlərinə görə, bu məlumatlar bir daha təsdiqləyir ki, Avropa İttifaqının qərarları ləyaqətə əsaslansaydı, artıq Gürcüstanla Avropa İttifaqına daxil olmaq üçün danışıqlar açılardı.

“İndeksə görə, Gürcüstan Avropa İttifaqının bütün namizəd ölkələrini, NATO-nun 6 üzv ölkəsini və Avropa İttifaqının iki üzv ölkəsini qabaqlayır. Bu əhatəli indeks 164 ölkəni vətəndaş azadlıqları, siyasi hüquqlar, məhkəmə müstəqilliyi, ədalətli seçkilər və təhlükəsizlik kimi müxtəlif meyarlara görə sıralayır.

Bu məlumatlar bir daha təsdiqləyir ki, əgər Avropa İttifaqının qərarları ləyaqətə əsaslansaydı, Gürcüstanla Avropa İttifaqına daxil olmaq üzrə danışıqlar artıq açılardı”, – Papuaşvili yazıb.