Avropa Parlamentinin litvalı üzvü Rasa İukneviçienenin bəyanatları faşist bəyanatlarının həddinə artıq çox yaxınlaşıb – bu barədə Gürcüstan Parlamentinin sədri Şalva Papuaşvili sosial şəbəkədə yazır.

Papuaşvilinin qeyd etdiyi kimi, Brüsseldə, demokratiya və insan ləyaqətini tanımayan bu tendensiyanı dayandıracaq sağlam düşüncənin meydana çıxmasının vaxtı yetişib.

“Avropa Parlamentinin litvalı üzvü Rasa İukneviçienenin bəyanatları faşist bəyanatlarının həddinə artıq çox yaxınlaşıb. “Xalq günahkardır…”, “Biz infeksiyanı dayandırmalıyıq…” Onun təşviq etdiyi radikalların nifrət dilinin inkişaf yoluna nəzər salsaq, növbəti dəfə, bir qayda olaraq, o, gürcü xalqını “qul” və ya “biokütlə” adlandırmalıdır…. Brüsseldə, demokratiya və insan ləyaqətini tanımayan bu rüsvayçı tendensiyanı dayandıracaq sağlam düşüncənin meydana çıxmasının vaxtı yetişib.
Rasa İukneviçieneyə isə deyərdim – Stalinə olana nifrətlə bütün xalqa nifrət edə bilməzsiniz” – Papuaşvili yazır.

Avropalı parlamentari Rasa İukneviçiene Valensiyada “Avropa Xalq Partiyası”nın qurultayında çıxış edərkən deyib: “Bu gün Gürcüstanda mövcud olan rejim Kreml tərəfindən dövlətin daxildən uğurla ələ keçirilməsinin nümunəsidir və əgər biz bu infeksiyanı vaxtında dayandırmasaq, bu, Avropa İttifaqına üzv ölkənin də başına gələ bilər”.