Avropa İttifaqının səfirliyi dərhal izahat verməlidir ki, necə olur ki, Aİ vətəndaşlarının pulları Gürcüstanda hakimiyyətin devrilməsi, döyüşçülərin istifadə olunması və ümumi cəza tədbirlərinə çağırışlar üçün istifadə olunur. Bu barədə Gürcüstan parlamentinin spikeri Şalva Papuaşvili bəyan edib.

Onun sözlərinə görə, Aİ səfirliyi dərhal izahat verməlidir ki, hakimiyyətin devrilməsinə dair çağırışlardan özünü uzaq tuturmu.

“İki gün əvvəl keçirilən aksiya təkcə iştirakla kifayətlənməyib, bu aksiya birbaşa Avropa İttifaqı tərəfindən maliyyələşdirilən QHT-lər tərəfindən təşkil edilib. Rəsmi olaraq, bir neçə QHT, o cümlədən ‘Beynəlxalq Şəffaflıq’ və ‘Səfari’ tərəfindən təşkil olunub. Aksiya iştirakçılarının bəyanatlarını eşitdiniz. Səhnədə çıxış edənlərin kim olacağına və nə deyəcəyinə Avropa İttifaqı tərəfindən maliyyələşdirilən Baya Pataraia rəhbərlik edib. O, səhnədə çıxışların məzmununa nəzarət edirdi. Bu şəxs Avropa İttifaqı büdcəsindən maliyyələşdirilir. Buna görə də səhnədən edilən bütün çağırışlar təşkilatçıların məsuliyyətidir. Hakimiyyətin devrilməsinə və hamının cəzalandırılmasına dair çağırışlar edildikdə, bu, təbii ki, qəbuledilməzdir,” – deyə Papuaşvili bildirib.

Parlamentin spikeri əlavə edib ki, Avropa İttifaqının səfirliyi bu məsələ ilə bağlı dərhal mövqe bildirməlidir.

“Bu artıq siyasi ittiham və ya qiymətləndirmə deyil, faktlarla təsdiqlənir ki, Avropa İttifaqının maliyyəsi ilə Rustaveli prospektində hakimiyyətin döyüşçülər vasitəsilə devrilməsinə və ümumi cəzaya çağırışlar edilən aksiyalar keçirilir. Bu cür dəstək və maliyyə yardımları Gürcüstan Konstitusiyasına, qanunvericiliyinə və beynəlxalq hüquqa ziddir. Bir daha vurğulayıram, bu aksiya Avropa İttifaqı tərəfindən maliyyələşdirilən QHT-lər tərəfindən təşkil edilib və bu təşkilatların nümayəndələri çıxışların məzmununa tam nəzarət edib. Buna görə də Avropa İttifaqının səfirliyi dərhal izahat verməlidir,” – deyə Şalva Papuaşvili əlavə edib.