Gürcü xalqı terrorizmin Avropa dəyəri olub-olmadığını bizə demələri üçün “ALDE”dən və Avropa güclərindən cavab tələb edirik – bu haqda Gürcüstan Parlamentinin sədri Şalva Papuaşvili deyib.

Onun sözlərinə əsasən, əgər insan terror aktı törətdiyini etiraf edibsə və öz partiyası onunla arasına məsafə qoymursa, bu, terrorçunun himayədarı olan partiyadır.

“Bu, həqiqət anıdır, o cümlədən Avropa İttifaqı üçün, çünki “ALDE” müxtəlif ölkələrin siyasi qüvvələrinin birləşdiyi siyasi qruplardan biridir və bəzi ölkələrdə hətta hakimiyyətdə də “ALDE”nin nümayəndələri var. İndi gürcü xalqı terrorizmin Avropa dəyəri olub-olmadığını bizə demələri üçün “ALDE”dən və Avropa güclərindən cavab tələb edirik.

Əgər insan terror aktı törətdiyini etiraf edibsə və öz partiyası onunla arasına məsafə qoymursa, bu, terrorçunun himayədarı olan partiyadır. Əgər onun bu günə qədər üzvü olduğu koalisiya komandası onunla arasına məsafə qoymursa, o da terrorun himayədarıdır. Əgər bu partiyanın və koalisiyanın üzvü olduğu siyasi birlik onunla arasına məsafə qoymursa, onlar da terrorun himayədarıdırlar. Bu həftə gözləyəcəyik və bazar ertəsinə qədər məsafə qoyma, xaricetmə olmasa, həm “Vətəndaşlar”, həm də “Güclü Gürcüstan” və “ALDE”dən ritorikamda terrorçunun himayədarları kimi bəhs olunacaq. Onların bazar ertəsinə qədər vaxtları var, bazar ertəsindən etibarən rəsmi olaraq terrorçunun himayədarı olan təşkilat olacaqlar” – Papuaşvili bildirib.