Əgər ekstremist partiyalar seçkilərdə iştirak etməsələr, bu, bizim demokratiyamız üçün daha yaxşı olacaq – bu haqda Gürcüstan Parlamentinin sədri Şalva Papuaşvili bildirib.

“Bir tərəfdən, heç bir seçkini tanımadığını və seçkilərdə iştirak etməyi planlaşdırmadığını deyirsən, lakin digər tərəfdən, seçki prosedurları ilə bağlı iradların var, bu, göstərir ki, onlar hələ də öz tərəfdarlarını aldatmaqla məşğuldurlar və əslində, seçki marafonunda yenə görəcəyik, bu isə pisdir. Çünki, ümumiyyətlə, əgər ekstremist partiyalar seçkilərdə iştirak etməsələr, bu, bizim demokratiyamız üçün daha yaxşı olacaq.

MSK-nın qərarına gəlincə, bu saxta ajiotajın adətən xarici maliyyə ilə qopması faktı dəfələrlə sübuta yetirilib. Həmçinin, MSK-nın qərarlarının ən yaxşı beynəlxalq standartlara uyğun olması da dəfələrlə sübuta yetirilib. Bu səbəbdən, burada problem “ISFED”də, “Şəffaflıq”da və digər xarici təsir daşıyan təşkilatlarda deyil, gürcü demokratiyasına hücum üçün pul xərcləyən maliyyəçilərdədir. Cavabı donorlarda axtarmalıyıq, onların gürcü demokratiyası ilə bağlı niyyətləri nədir? Onlar tərəfindən işə götürülmüş təşkilatları danışdırmağa başlayanda, bu, bizim üçün siqnal olmalıdır ki, seçkilərə və demokratiyaya yenə hücum hazırlanır, bu isə dəfələrlə baş verib” – Şalva Papuaşvili bildirib.