Gürcüstanın Prezidenti Salome Zurabişvili Eka Beselia tərəfindən təsis edilmiş “Ədalət Evi”nin koordinasiya edəcəyi vəkillər qrupunu təqdim edib.

Zurabişvilinin qrupu təqdim edərkən dediyi kimi, vəkillər və hüquqşünaslar qrupu vətəndaşları müdafiə edəcək və onlara hüquqi məsləhətlər verəcək. Zurabişvili bildirib ki, qaynar xətt də işləyəcək.

“Bu qrup vətəndaşlarımızı müdafiə etmək və onlara hüquqi məsləhətlər vermək üçün bir araya gəlmiş vəkillər və hüquqşünaslar qrupudur. Zənnimcə, bunun üçün qaynar xətt də olacaq, əgər artıq varsa və sonra onlara lazım olan bütün yardımları göstərsinlər. Bütün bunlar pulsuz olacaq. Bu, çox böyük, deyərdim ki, vətəndaşlıq hissinin ifadəsidir. Baş verənlər mənim üçün ən önəmlidir. Cəmiyyəti yaradan da budur. Gözümüzün önündə müxtəlif yönlərdən və istiqamətlərdən əsl azad gürcü cəmiyyəti yaradılır. Mən bunu nəinki təqdir edirəm, həm də bu ümidimizin mənbəyidir, çünki formalaşmış cəmiyyəti heç bir rejim heç vaxt məğlub edə bilməz. Cəsarətli insanların formalaşdırdığı cəmiyyət həmişə hər şeyə qalib gələcək.

Bu insanlara demək istəyirəm ki, bizim tərəfimizdən həqiqətən çox minnətdarıq, çünki biz istəyirik ki, bu gün həbsxanada olan və ya sabah hədələnəcək bu insanlar daha da müdafiə olunsunlar. Onların həbsxanadan tez bir zamanda çıxmasını istəyirik. Mən ona da əminəm ki, onlar çox tez buraxılacaqlar, çünki bu rejimin başqa yolu olmayacaq. Nə qədər ki, bu baş verməyib, ona qədər sizin işinizdir və buna görə hamıya çox təşəkkürlər” – Salome Zurabişvili bildirib.

Bununla yanaşı, brifinqdə “Ədalət Evi”nin təsisçisi Eka Beselia da olub və o, qrupu koordinasiya edəcəyini bildirib.