Salome Zurabişvili bir sıra digər Avropa liderlərinə Gürcüstana dəstək üçün müraciət edib

Gürcüstan prezidenti Salome Zurabişvili bir sıra digər Avropa liderlərinə Gürcüstanı dəstəkləmək xahişi ilə müraciət edib.

Gürcüstan prezidenti Twitter-də Avropa liderlərinə videomüraciətlər yayıb.

“Gürcüstan artıq Şərq Tərəfdaşlığı vasitəsilə Avropa perspektivinə yol açdığına görə İsveçə minnətdardır. Gürcü xalqı bu Avropa gələcəyini istəyir. Bu ailənin yenidən inteqrasiyasının vaxtı çatıb”, – Salome Zurabişvili İsveçin baş naziri Maqdalena Andersona müraciətində bildirib.

“Gürcüstan İrlandiyanın Avropa istəklərinə görə Gürcüstana verdiyi daimi dəstəyin qiymətini bilir. Bu gün, heç vaxt olmadığı kimi, biz Avropanın o biri ucunda güclü İrlandiya xalqının dəstəyini yüksək qiymətləndiririk. Bizi dəstəklədiyinizi bilirik”, – Zurabişvili İrlandiya prezidenti Maykl Hiqqinsə dedi.

“Müstəqilliyin bərpasından 30 il sonra Gürcüstan bizi əsl Avropa ölkəsinə çevirəcək islahatları həyata keçirməyə can atır. Məqbul qərar ölkəmiz və xalqımız üçün mərkəzi və tarixi olacaq. Dəstəyinizə görə təşəkkür edirəm” deyib Gürcüstan prezidenti Hollandiyanın baş naziri Mark Rutteyə müraciətində.

Prezident Salome Zurabişvili Avropa liderlərinə bir sıra müraciətlər edərək, onları mühüm məqamda Gürcüstanı dəstəkləməyə çağırıb.