Ümid edirəm ki, Avropa Parlamentinin qətnaməsi yerli seçkilərin kiməsə legitimlik qazandırması ilə bağlı mənasız arqumentə son qoydu. Ölü olan ikinci dəfə ölə bilməz – bu barədə “Lelo”nun üzvü Salome Samadaşvili deyib.

“Ümid edirəm ki, yeni parlament seçkilərinə qədər İvanişvili hakimiyyətinin qeyri-legitim olduğunu aydın şəkildə deyən, eyni zamanda müxalifəti yerli seçkilərdə gürcü xalqının etdiyi demokratik seçimi müdafiə etməyə çağıran Avropa Parlamentinin qətnaməsi yerli seçkilərin kiməsə legitimlik qazandırması ilə bağlı mənasız arqumentə son qoydu. Ölü olan ikinci dəfə ölə bilməz” – Samadaşvili yazır.

Avropa Parlamenti Gürcüstanla bağlı illik hesabat barədə press-reliz dərc edib. Press-relizə əsasən, “Gürcü Arzusu”nu demokratik islahatlar və Avro-Atlantik inteqrasiya kursuna qayıtmağa çağırmaqla yanaşı, avropalı parlamentarilər gürcü xalqı və onların legitim Avropayönümlü istəkləri ilə həmrəy olduqlarını bir daha təsdiqləyirlər. Avropalı parlamentarilər həmçinin qeyd edirlər ki, “2025-ci ilin yerli özünüidarəetmə seçkiləri Gürcüstan demokratiyasının və siyasi plüralizmin dayanıqlılığının növbəti sınağı olacaq. Nəticə etibarilə, avropalı parlamentarilər ölkə müxalifətinə çağırış edirlər ki, oktyabr seçkilərindən sonra dinc etiraz aksiyaları ilə artıq nümayiş etdirildiyi kimi, gürcü xalqının demokratiya və qanunun aliliyinə dəstəkdə birliyini əks etdirmək üçün bu imkandan istifadə etsinlər.