Rusiyanın Zaporojieyə zərbələri nəticəsində bir nəfər həlak olub, 31 nəfər isə xəsarət alıb

Ruslar idarəolunan aviasiya bombalarından istifadə etməklə Zaporojieyə iki dəfə hücum ediblər. Nəticədə bir nəfər həlak olub. Bu barədə məlumatı Ukrayna mediası yayır.

Media, xilasedicilərin dağıntıların altından 71 yaşlı həlak olmuş qadının cəsədini çıxarması haqda məlumat verir. 31 nəfər xəsarət alıb, onların arasında iki azyaşlı da var. Yaralananlardan ikisinin vəziyyəti ağırdır.

Zaporojieyə edilən iki hücum nəticəsində çoxmərtəbəli yaşayış evləri, avtomobillər və qeyri-yaşayış binaları, o cümlədən anbar tikililəri zərər görüb.