Rusiya ilə Gürcüstan arasında siyasi dialoqun yenilənməsi üçün ilkin şərtlər mövcud deyil – bu haqda Rusiyanın Xarici İşlər Nazirliyində bildiriblər.

Qurumun məlumatına əsasən, Rusiya tərəfindən “respublikaların dövlətçiliyini tanımaq qərarı geri dönməzdir”.

“Rusiya ilə Gürcüstan arasında siyasi dialoqun yenilənməsi üçün ilkin şərtlər mövcud deyil, çünki Tbilisi diplomatik münasibətlərin yenilənməsinin Rusiya tərəfindən Abxaziya və Cənubi Osetiyanı tanımaqdan imtina edilməsi ilə əlaqəli olduğuna dair Saakaşvili rejiminin mövqeyini qoruyub saxlayır. Bu tələb Gürcüstanın özü üçün zərərlidir və qeyri-realdır. Moskva respublikaların dövlətçiliyini tanımaq qərarının geri dönməz olduğunu xüsusilə qeyd edir. Buna baxmayaraq, Rusiya Tbilisinin istədiyi dərəcədə Gürcüstanla münasibətlərin daha da normallaşdırılmasına açıqdır. Top indi Gürcüstanın meydanındadır və fikrimizcə, bütün bunlarla başqalarından daha çox maraqlanmalıdır” – Rusiyanın Xarici İşlər Nazirliyində bildiriblər.