Rusiyanın Kiyevə hücumu nəticəsində təhsil müəssisəsinin ərazisində yanğın baş verib, tibb müəssisəsinə ziyan dəyib, 7 nəfər yaralanıb

Rus hərbçilərinin Kiyevə hücumu nəticəsində təhsil müəssisəsinin ərazisində yanğın baş verib, tibb müəssisəsinə ziyan dəyib.
Kiyev meri Vitali Kliçko bildirib ki, hücum nəticəsində 7 nəfər yaralanıb.
Yaralananlardan ikisi xəstəxanaya yerləşdirilib, digərlərinə isə ambulator tibbi yardım göstərilir.
Kliçkonun sözlərinə görə, Şevçenko rayonunda pilotsuz uçuş aparatının zərbəsi nəticəsində altımərtəbəli yaşayış binasında yanğın baş verib. Daha sonra binanın qismən dağıldığı məlum olub.
Yaxınlıqdakı üçmərtəbəli binada da yanğın baş verib. Hazırda hadisə yerində yanğınsöndürənlər və xilasedicilər işləyir.