Rusiyanın hücumu nəticəsində Donetsk vilayətində üç nəfər həlak olub, bir nəfər yaralanıb.

Ukrayna mediası həlak olanlardan ikisinin Mirnohrada hücumda, birinin isə Staroraiska hücumda öldüyü haqda məlumat verir.

Medianın məlumatına əsasən, son 24 saat ərzində ruslar cəbhə xəttinə və yaşayış sektoruna 2328 zərbə endiriblər. Hücumların hədəfi beş yaşayış məntəqəsi – Mikolaevka, Mirnohrad, Slovianski, Raiqorodok, Staroraisk, eləcə də Kramatorsk olub.

Yayılmış məlumata əsasən, kilsə və 18 yaşayış binası da daxil olmaqla, ümumilikdə 19 mülki obyekt zərər görüb. Ruslar hücum üçün “Italmas” və “Molnia-2” tipli pilotsuz uçuş aparatlarından istifadə ediblər.

Faktla bağlı Ukrayna Cinayət Məcəlləsinin 438-ci maddəsi ilə cinayət işi açılıb, bu da hərbi cinayətin törədilməsini nəzərdə tutur.