Rusiya Prezidentinin köməkçisinin məlumatına əsasən, ABŞ və Rusiya Donald Tramp və Vladimer Putinin görüş proqramını razılaşdırıblar, prezidentlərin təkbətək görüşünün avqustun 15-də, Tbilisi vaxtı ilə saat 23:30-da başlayacağı artıq məlumdur.

Yuri Uşakov görüşün Alyaskanın Ankoric şəhərində yerləşən Elmendorf-Riçardson Hərbi Bazasının ərazisində yerləşən binalardan birində keçiriləcəyini deyib.

Onun sözlərinə əsasən, Rusiya və ABŞ prezidentlərinin danışıqları genişləndirilmiş formatda 5+5 düsturu ilə keçiriləcək.

“Prezidentlərdən başqa hər ölkənin nümayəndə heyətinin beş üzvü görüşdə iştirak edəcək və ekspertlər də yaxınlıqda olacaq” – Uşakov bildirib.

O bildirib ki, Trampla Putinin təkbətək görüşü Moskva vaxtı ilə saat 22:30-da başlayacaq. Onun müddəti liderlərdən asılı olacaq. Bundan sonra liderlər nümayəndə heyətlərinin üzvləri ilə birlikdə işçi səhər yeməyində bir araya gələcəklər.

Danışıqlar başa çatdıqdan sonra Donald Tramp və Vladimer Putinin birgə mətbuat konfransı keçiriləcək.

Rusiya Prezidentinin köməkçisi Yuri Uşakov, Rusiyanın xarici işlər naziri Serqei Lavrov, müdafiə naziri Andrei Belousov, maliyyə naziri Anton Siluanov və prezidentin xarici ölkələrlə investisiya-iqtisadi əməkdaşlıq məsələləri üzrə xüsusi nümayəndəsi Kiril Dmitriyev Rusiya nümayəndə heyətinin tərkibində olacaq.