Rusiya yenidən Azərbaycanın Ukraynada yerləşən neft bazasına zərbə endirib. Medianın məlumatına əsasən, Rusiya tərəfindən Odessa vilayətində yerləşən Azərbaycan dövlət şirkəti “SOCAR”ın neft bazasına hücum nəticəsində 17 çən və digər obyektlər məhv edilib. Rus “Telegram” kanalları hücum barədə məlumat yayırlar.

Azərbaycanın “Minval” nəşrinin məlumatına əsasən, Rusiya avqustun 8-də də bu neft bazasına zərbə endirmişdi. Bundan sonra Azərbaycan Prezidenti İlham Əliyev Rusiyanı Ukraynada yerləşən Azərbaycan obyektlərinə məqsədyönlü zərbələrdə ittiham etdi.

Azərbaycan mediasında isə məlumat yayıldı ki, cavab olaraq Bakı Ukraynaya silah tədarükünə qoyulmuş embarqonu ləğv etməyi nəzərdən keçirir.