Rusiya Ukraynaya qarşı kütləvi hava hücumu həyata keçirib, eyni zamanda, Rusiya mediası gecə ərzində Rusiyanın müxtəlif bölgələrində Ukrayna dronlarının vurulması haqqında məlumat yayır
Rusiya Ukraynaya qarşı 502 dron və 24 raketlə kütləvi hücum həyata keçirib.
Ukrayna Silahlı Qüvvələrinin məlumatına əsasən, Ukrayna 451-ni vura bilib. Üç raketin və 69 pilotsuz uçuş aparatının fraqmentləri isə 14 yerə düşüb.
Xmelnitski və İvano-Frankovsk vilayətlərində yaşayış evlərinə və infrastruktur obyektlərinə ziyan dəyib. Kirovoqrad vilayətində dəmir yolu infrastrukturuna endirilmiş zərbə nəticəsində 5 nəfər xəsarət alıb, 28 evə ziyan dəyib, sakinlər işıqsız qalıb.
Eyni zamanda, Rusiya mediası Rusiya Müdafiə Nazirliyinə istinadən yazır ki, gecə ərzində Rusiyanın müxtəlif bölgələrində 105 Ukrayna dronunu vurublar.