Rusiya Müdafiə Nazirliyi Ukraynanın Donetsk bölgəsində Çasov Yar şəhərinin ələ keçirilməsi ilə bağlı məlumat yayır.

Yayılmış məlumata əsasən, Çasov Yarda davam edən döyüşlər zamanı Rusiyanın qoşunları, rus mediasının yazdığı kimi, xüsusi hərbi əməliyyatın tarixində Ukrayna Silahlı Qüvvələrinin ən böyük qruplaşmasını məhv edib.

Rusiya Müdafiə Nazirliyinin məlumatına əsasən, şəhər uğrunda döyüşlər bir ildən çox davam edib və landşaftın mürəkkəbliyinə, binaların və infrastrukturun xüsusiyyətlərinə görə, o, Ukrayna Silahlı Qüvvələrinin Donbassda ən güclü möhkəmləndirilmiş ərazilərindən biri idi.

Rusiya Müdafiə Nazirliyinin bəyanatına əsasən, Ukrayna Silahlı Qüvvələrinin artilleriya və dronlarının fasiləsiz atəşi altında rus desantçılar 20 kilometrdən çox irəliləyiblər. Donetskin işğal rejiminin nümayəndələri iddia edirlər ki, Ukrayna Silahlı Qüvvələri Çasov Yarda bir neçə min əsgərini itirib.