Rus mediasının məlumatına əsasən, “Rusiyanın energetika nazirinin müavini Evqeni Qrabçak tanınmış abxaz siyasətçisi Badra Qunba ilə görüşüb”.

Rusiya hökumətinin nümayəndəsi bildirib ki, irimiqyaslı enerji böhranı başlayandan bəri ilk dəfə olaraq elektrik enerjisi təchizatı məsələlərini müzakirə etmək imkanı yaranıb və Rusiya Abxaziyaya elektrik enerjisi tədarük etməyə hazırdır.

Medianın məlumatına əsasən, Rusiyanın maliyyə naziri Anton Siluanov işğalçı rejimin nümayəndəsi ilə görüşüb və görüşdə Abxaziyaya sosial-iqtisadi inkişaf məqsədilə maliyyə yardımının göndərildiyi deyilib.

Rusiyanın nəqliyyat naziri Roman Starovit Badra Qunba ilə görüşüb. Görüşdə qeyd olunub ki, Rusiya ilə işğal olunmuş Abxaziya arasında keçid məntəqələrinin imkanları 1,5 dəfə artacaq.

Rusiyanın xarici işlər naziri Serqey Lavrov işğal olunmuş Abxaziyanın marionet rejiminin nümayəndəsini qəbul edib və Rusiyanın Abxaziya ilə qarşılıqlı əlaqələrin gücləndirilməsində maraqlı olduğunu qeyd edib. Lavrov bildirib ki, Moskva Suxumidə hava limanının açılışını gözləyir, bu da Abxaziyada turizmin inkişafına əhəmiyyətli töhfə verəcək.

Məlumat üçün bildirək ki, Badra Qunba 2024-cü ilin noyabrından Gürcüstanın işğal olunmuş bölgəsində qondarma prezident vəzifəsini yerinə yetirir, lakin rus mediası ondan bu statusla bəhs etməyib.