Rumıniya mətbuatı NATO xarici işlər nazirlərinin Buxarestdə keçirilməsi planlaşdırılan görüşünə Gürcüstan, Moldova və Ukraynanın dəvət olunması ilə əlaqədar məlumat yayır.

Mətbuat NATO-ya üzv ölkələrin xarici işlər nazirlərinin görüşünə həmçinin Finlandiya, İsveç və Bosniya və Herseqovinanın da dəvət olunması ilə bağlı məlumat yayır.

Görüşdə NATO-nun Madriddə keçirilən sammitində qəbul edilmiş qərarların icrası, Ukraynada davam edən müharibə, enerji təhlükəsizliyi və tərəfdaşlarla münasibətlərin müzakirəsi planlaşdırılır.

Noyabrın 29 və 30-da Rumıniyanın paytaxtında NATO xarici işlər nazirlərinin sammiti keçiriləcək. Bu, NATO-nun 2008-ci ildə Buxarest sammitindən sonra keçirəcəyi ilk belə səviyyəli görüş olacaq.