Rostov vilayətinin qubernatoru bir neçə şəhərə dronlarla hücum edilməsi barədə məlumat verib.

Rostov vilayətinin qubernatoru səlahiyyətini icra edən Yuri Sliusarın “Telegram” kanalında yazdığı kimi, hava hücumundan müdafiə sistemləri gecə Rostov, Taqanroq, Novoşaxtinski, Neklinovski, Miasnikovski, Milerovski və Çertkovskidə pilotsuz uçuş aparatlarını məhv edib və zərərsizləşdirib.

Yerli hakimiyyət orqanlarının məlumatına əsasən, dronlarla hücum nəticəsində heç kim xəsarət almayıb, lakin iki yaşayış məntəqəsində tikililərə və avtomobillərə ziyan dəyib.

Bundan əvvəl Rusiya mənbələri dronların zərbə endirməsi nəticəsində Rostovun mərkəzində yanğının baş verdiyi barədə məlumat yaydılar.