Avropa Parlamentinin prezidenti Roberta Metsola Avropa İttifaqının liderlərini İrana təzyiqi gücləndirməyə çağırıb.

“Euronews”a müsahibəsində Metsola Avropa İttifaqının azadlığı dəstəklədiyini bildirib.

“Bu Parlamentin prezidenti olduğumdan bəri mənim missiyam bütün dünyada azadlıq uğrunda mübarizəni dəstəkləməyimizi təmin etməkdir. Məhz bu səbəbdən İrandakı cari hadisələrdən dəhşətə gəlirik. Rejimin fundamental azadlıqlar hesab etdiyimiz şeyləri boğmaq üçün zorakılıqdan istifadə etdiyini görəndə hərəkətsiz dayana bilmərik. Əslində bunlar universal azadlıqlardır və məhz bu səbəbdən, iranlı diplomatların və rejimin nümayəndələrinin Avropa Parlamentinə girməsini qadağan etmək üçün addım atdıq.

Zorakılıq, qətllər gördük, bu dözəcəyimiz bir şey deyil. İran cəmiyyəti bizdən həmrəylik, kömək istədi. Lakin biz daha da irəli getməli, sanksiyaları gücləndirməli və İran İslam İnqilabı Korpusunu terrorçular siyahısına daxil etməliyik. Düşünürəm ki, Avropa İttifaqının öz qətiyyətini, gücünü və eyni zamanda aydınlığını göstərmək üçün qızıl anı var. Biz “Azadlığı” dəstəkləyirik. Bu, üzərində birliyimizi qurduğumuz hər şeyin təməl sütunudur. Düşünürük ki, 2026-cı il diktaturaların sona çatdığı il olmalıdır” – Metsola bildirib.