“Biz heç vaxt işə yanaşma tərzimizi dəyişməyəcəyik və öz mövqeyimizi qoruyacağıq” – bu barədə Avropa Parlamentinin Prezidenti Roberta Metsola Avropa Siyasi Birliyinin (EPC) 8-ci sammitində Ilham Aliyev-in bugünkü bəyanatına cavab olaraq bildirib.

“Çıxışlardan biri Avropa Parlamentinə yönəldiyinə görə dərhal cavab verməyi vacib hesab edirəm. Müəyyən fikir ayrılıqlarının olduğu görüşlər hər zaman sağlamdır, lakin tez bir zamanda cavab verərək qeyd etmək istəyirəm ki, Avropa Parlamenti birbaşa seçilən demokratik orqandır və burada qətnamələr çoxluq tərəfindən qəbul edilir. Aydındır ki, nəticə bəziləri üçün narahat ola bilər, lakin biz heç vaxt işə yanaşma tərzimizi dəyişməyəcəyik və öz mövqeyimizi qoruyacağıq”, – deyə Roberta Metsola bildirib.

Qeyd edək ki, Ilham Aliyev Ermənistanın ev sahibliyi etdiyi Avropa Siyasi Birliyi sammitində video-müraciətində Avropa Parlamentini sülh prosesinə sabotajda ittiham etmiş, beş il ərzində 14 qətnamə qəbul edildiyini və bunun “obsessiyaya” çevrildiyini bildirmişdi.