Slovakiya Baş naziri Robert Fico sosial şəbəkədə yayımlanan videomüraciətində bildirib ki, Zelenskiyə tapşırıqla Ukrayna “Drujba” neft kəmərini məhv edə bilər ki, gələcəkdə Slovakiyaya Rusiya neftinin tədarükü mümkün olmasın.

Fico Ukrayna prezidentini tənqid edərək bildirib ki, onun hərəkətləri “bütün qırmızı xətləri aşır”.

“Ukrayna prezidenti Volodimir Zelenskinin Macarıstan Baş naziri Viktor Orbanı hədələməsi bütün qırmızı xətləri aşır,” – deyə Fico qeyd edib.

Slovakiya baş naziri əlavə edib ki, Zelenski davamlı olaraq Slovakiya maraqlarına zərər verir və ölkəni dinc mövqedən hərbi mövqeyə keçirməyə çalışır.

Fico qeyd edib ki, Ukrayna ərazisindən keçən neft tranziti Slovakiya üçün həyati əhəmiyyətlidir, lakin Ukrayna hakimiyyəti tədarükün davamına maraq göstərmir ki, bu da Slovakiya üçün ciddi iqtisadi zərər yaradacaq.

Baş nazir həmçinin Avropa Komissiyasını tənqid edib və bildirib ki, Komissiya sanki Ukrayna maraqlarına üstünlük verir, baxmayaraq ki, Ukrayna Aİ üzvü deyil, Slovakiya və Macarıstan isə üzv ölkələrdir.

Fico əlavə edib ki, Viktor Orbanın partiyası “Fides” seçkilərdə məğlub olarsa, Slovakiya Macarıstanın nümunəsini izləyərək Ukraynaya 90 milyard avroluq Aİ kreditini bloklamağa hazırdır.

“Mən sadəlövh deyiləm. Ukrayna prezidenti son vaxtlar təchizatın bir ay yarım ərzində bərpasından danışırdı. Yəni Macarıstandakı seçkilərdən sonra, harada ki, o, müxalifətin qələbəsini gözləyir,” – deyə Fico bildirib.