İran Hörmüz boğazını bağlayıb, İranda bəyan etdikləri kimi, boğazı keçməyə çalışan istənilən tankerə atəş açacaqlar.

Medianın məlumatına əsasən, həmçinin Tehranda boğazda minaların istifadəsini də istisna etmirlər, bu da gəmiçilik üçün ciddi təhlükə yaradır.

ABŞ kəşfiyyatının qiymətləndirməsinə görə, İranın 6000-ə qədər müxtəlif mina ehtiyatı var.

Hazırda Hörmüz boğazında təxminən 150 tanker qalıb, onlardan dördü zədələnib və sığorta şirkətləri riskləri qarşılamaqdan imtina ediblər.

Hörmüz boğazının bağlanması neft və qaz qiymətlərinə də təsir göstərəcək. Münaqişə başlayandan bəri neft qiymətləri artıq 10% artıb, “Brent” markalı neftin barelinin qiyməti 80 dollar civarındadır. Təchizat zəncirindəki ləngimələr səbəbindən qiymətlərin daha da artacağı gözlənilir.

Qeyd etmək lazımdır ki, Hörmüz boğazı Fars körfəzi ilə Oman körfəzini birləşdirir və məhz bu boğaz vasitəsilə təkcə İranın deyil, həm də İraq, Küveyt, Qətər, Birləşmiş Ərəb Əmirlikləri və Səudiyyə Ərəbistanının hasil etdiyi neft nəql olunur, bu da qlobal neft istehlakının təxminən 20%-ni təşkil edir. Əsas idxalçı ölkələr Çin, Yaponiya və Cənubi Koreyadır. Həmçinin, Hörmüz boğazı dünyanın ən böyük ixracatçısı olan Qətərdən mayeləşdirilmiş təbii qaz da nəql edir ki, bu da 20-25%-ni təşkil edir.