Qətərin vasitəçiləri “HƏMAS” və İsrail arasında üç günlük atəşkəs müqabilində Qəzzadan 50-yə yaxın mülki vətəndaşın azad edilməsini nəzərdə tutan saziş üzrə danışıqları davam etdirirlər-bu barədə “Reuters” məlumat yayır.

ABŞ ilə müzakirə edilən və koordinasiya edilən bu razılaşma həmçinin bir neçə fələstinli qadın və uşağın İsrail həbsxanalarından azad edilməsini və Qəzzaya humanitar yardımın artırılmasını nəzərdə tutur.

“Reuters” agentliyinin məlumatına görə, “HƏMAS” razılaşmanın ümumi konturları ilə razılaşıb, lakin İsrail razılaşmayıb və Qətər hələ də detallar barədə danışıqlar aparır. Razılaşma çərçivəsində İsrailin həbsxanalardan neçə fələstinli qadın və uşağı azad edəcəyi məlum deyil.

KİV-in yazdığı kimi, iddialı xarici siyasət məqsədləri olan Qətərin “HƏMAS” və İsraillə birbaşa əlaqə xətti var. Belə bir sövdələşmə “HƏMAS”ı Qəzzada sağ qalan girovların tam siyahısını təqdim etməyə məcbur edəcək.