Almaniyanın kansleri Fridrix Merts Kiyevdə Rusiya ilə gələcək sülh razılaşması çərçivəsində ölkə ərazisinin bir hissəsinin artıq Ukrayna hakimiyyətinin nəzarəti altında olmaya biləcəyi faktı ilə barışmalı ola biləcəklərini bildirib. Bu haqda “Reuters” agentliyi xəbər verir.

O bildirib ki, əgər Zelenski bunu öz əhalisinə çatdırmaq istəyirsə və bunun üçün referendum keçirmək lazımdırsa, xalqa “Mən sizin üçün Avropaya yol açdım” deməlidir.

“Ukrayna mərhələlərdən birində atəşkəs müqaviləsi, ümid edirəm ki, hansısa mərhələdə Rusiya ilə sülh müqaviləsi imzalayacaq. O zaman elə ola bilər ki, Ukrayna ərazisinin bir hissəsi artıq Ukrayna ərazisi olmasın. Prezident Zelenski bunu öz əhalisinə çatdırmaq, əksəriyyətin dəstəyini qazanmaq istəyirsə və bunun üçün referendum keçirmək lazımdırsa, xalqa “Mən sizin üçün Avropaya yol açdım” deməlidir” – Merts Almaniyanın Marsberq şəhərində Böyük Karl adına Gimnaziyada çıxışı zamanı deyib.