“Reuters” agentliyinin məlumatına görə, Polşa operatoru Rusiyadan Avropaya neft tədarük edən “Drujba” boru kəmərində sızma qeydə aldı

Polşa operatoru Rusiyadan Avropaya neft tədarük edən “Drujba” boru kəmərində sızma qeydə aldı. Bu barədə məlumatı “Reuters” agentliyi yayır.

Neft kəmərinin Polşa operatoru olan “PERN”-in məlumatına görə, sızma dünən axşam saatlarında Plotsk şəhərindən 70 kilometr aralıda Polşa ərazisində aşkar edildi.

Sızmanın səbəbi hələlik məlum deyil.

“Bu mərhələdə “PERN”-in bütün xidmətləri bu tip vəziyyət üçün nəzərdə tutulmuş alqoritmlərə uyğun tədbirlər görür”, – operatorun bəyanatında deyilir.

“Reuters” agentliyinin məlumatına görə, Çex operatoru “MERO”, Çexiyada neft kəmərinin axınında heç bir dəyişiklik qeyd etmədiklərini bəyan etdi.

Bir neçə həftə əvvəl Rusiya və qərb ölkələrinin bir-birini günahlandırdığı “Şimal axını 1” və “Şimal axını 2” qaz kəmərlərində sızmalar baş verdi. Hər iki tərəf sızmanın səbəbi kimi təxribatı adlandırır.