Türkiyə Prezidenti Rəcəb Tayyib Ərdoğan Gürcüstan ərazisində qəzaya uğrayan türk hərbi yük təyyarəsinin qara qutusunun tapıldığını bildirir.
Bu haqda Ərdoğan hakim “Ədalət və İnkişaf” Partiyasının üzvləri ilə görüş əsnasında deyib.

Türkiyə Prezidenti istintaq başlanıldığını bildirib. O, həmçinin təyyarə qəzası nəticəsində 20 hərbi qulluqçunun həlak olduğunu qeyd edib.

Ərdoğanın dediyi kimi, təyyarə qəzasından dərhal sonra müvafiq qurumlarla ünsiyyət qurulub və axtarış-xilasetmə əməliyyatı operativ şəkildə başlayıb, hazırda 19 cəsəd tapılıb və daha bir cəsədin axtarışı davam edir.

Ərdoğan ictimaiyyəti yalan məlumata qarşı diqqətli olmağa və sosial şəbəkələrdə oxşar hadisədən “çirkli siyasi məqsədlər” üçün istifadə etməyə çalışanlara etibar etməməyə çağırıb. O, bir daha həlak olanların ailələrinə başsağlığı verib.

Məlumat üçün bildirək ki, Siğnaği Munisipalitetində Gürcüstanın dövlət sərhədindən təxminən 5 kilometrdə türk hərbi təyyarəsi qəzaya uğrayıb. Təyyarə Azərbaycan-Türkiyə istiqamətində reys yerinə yetirirdi. Faktla əlaqədar istintaq Cinayət Məcəlləsinin 275-ci maddəsinin 4-cü hissəsi ilə aparılır, bu isə insan ölümü ilə nəticələnən hava nəqliyyatının hərəkət təhlükəsizliyi və ya istismarı qaydasının pozulması deməkdir.