“Beynəlxalq ticarətdə artan proteksionizm və təchizat zəncirlərindəki fasilələr qlobal iqtisadiyyatda fundamental dəyişikliklərə səbəb olur,” – bunu Türkiyə prezidenti Rəcəb Tayyib Ərdoğan BMT Baş Assambleyasında çıxışı zamanı bildirib.

Ərdoğanın sözlərinə görə, mövcud çağırışlara uğurla cavab vermək üçün qaydalara əsaslanan beynəlxalq ticarətin, o cümlədən Dünya Ticarət Təşkilatının islahatını dəstəkləyir.

“İnanıram ki, əlçatan, təhlükəsiz və davamlı enerjiyə çıxış xüsusilə inkişaf etməkdə olan ölkələr üçün çox önəmlidir ki, onlar inkişaf məqsədlərinə çata bilsinlər. Biz strateji əhəmiyyət daşıyan, Çini Avropa ilə birləşdirən Transxəzər Şərq–Qərb Orta Dəhliz layihəsini qətiyyətlə inkişaf etdiririk. Müasir nəqliyyat infrastrukturumuz və Bakı–Tbilisi–Qars dəmir yolu ilə dünya ticarətinin inkişafına töhfə veririk,” – deyə Ərdoğan vurğulayıb.