Türkiyə prezidenti, Rəcəb Tayyib Ərdoğanın bəyan etdiyinə görə, İsveç 73 terrorçunu Türkiyəyə təhvil verəcəyini vəd etdi. Bu barədə Türkiyə prezidenti NATO-nun Madrid sammitindən sonra keçirilən mətbuat konfransında bəyan etdi.

Onun sözlərinə görə, bu iki ölkə Ankara ilə imzalanmış memorandumda yazılan bəndləri yerinə yetirməsə, Türkiyə hələ də İsveç və Finlandiyanın NATO-ya üzvlüyünə mane ola bilər.

“Aydındır ki, bu memorandum yalnız başlanğıcdır, əsas vədi yerinə yetirməkdir. Növbəti dövrdə memorandumda yazılan məsələlərin icrasını yaxından izləyəcək və buna uyğun addımlarımızı atacağıq”, – Ərdoğan bəyan etdi.

Xatırladırıq ki, Türkiyə, İsveç və Finlandiya üçtərəfli memorandumu iyunun 29-da imzaladılar. Sənəddə şərtlərin yerinə yetirilməsi müqabilində Türkiyənin Finlandiya və İsveçin ittifaqına qoşulmasını dəstəklədiyi yazılıb. Bu şərtlər arasında bu iki ölkənin Türkiyəyə qarşı tətbiq etdiyi silah embarqosunun ləğvi, Kürd Fəhlə Partiyasının terror təşkilatı kimi tanınması, həmçinin Suriyada fəaliyyət göstərən müxtəlif kürd dərnəklərinə, Ərdoğanın əleyhdarı Fətullah Gülən təşkilatına dəstəyin dayandırılması və terrorda şübhəli bilinən kürdlərin ekstradisiyası var.